Sakkie died unexpectedly and peacefully last night surrounded by his family.

In his public life, Sakkie was known as the weatherman; in his private life, he defended his family and raised lots of concerns about the current situation in the country. He cared the most for the farmers of South Africa and the aridity in Cape Town. We are grateful for the support and kindness of those who share our feelings for Sakkie.

For any business related matters, please contact us via the contact form. For anyone that is in need of niche professional weather forecasting; please contact [email protected] 

​Goeie naand almal:
Die bolughoog nou oor die land het soos verwag enige storm wat probeer ontwikkel het onderdruk, wel nog ‘n paar vlekkies wolke oor in die noord-ooste na vanoggend se bewolkte toestande. Die bolughoog bly in plek oor die sentrale en noordelike binneland vir môre maar daar is ‘n ,,hek’’ of twee wat kan oopmaak aan die weste kant van die hoog met ‘n bolug trog wes van die land. Die vog wat dus al tot by Windhoek gevorder vandag kan môre verder suid migreer, meestal oor Gordonia maar daar is ‘n klein hekkie oop dat daar ook vog kan uitkom oor die weskus gebiede, dit is ‘n piepklein kans maar dit is ‘n kans… Die koue front wes van die Kaap probeer hard. En is ook redelik ver noord, maar soos al die ander, ek sien nie veel koue lug in die stert van die front nie. Ek sê nie die front gaan nie by die Kaap uitkom nie, maar gegewe wat ek nou sien moet asb. Nie wonderwerke verwag nie. In tyd word die koue front beter vir die Kaap, maar basseer op die inligting nou, lyk dit nie of die ou lekker tande gaan kry nie… Ek is oop vir hoop en gebed, maar mens kan nie verwagting skep met ‘n opskrif, daar is reën oppad vir die Kaap nie…. So ‘n opskrif beteken vir my daar is ‘n besliste kans vir reën met almal wat 10mm of meer sal kry. Mens kan nie verwagtinge skep en hoop vir ‘n wonderwerk nie. Die finale akte is ‘n akte van die Vader, en nie die mens nie…. Ons moet probeer om alles binne die raamwerk van wat moontlik is beskryf…. Mens mag hoop en gebed help ook, moet net nie met die geloof op jou voorkop rondloop nie. 

Wel, dit is dit…. Geniet die aand…  

​Goeie môre almal:
Lekker bewolk oor die noordelike en oostelike dele van die land maar daar is nie ‘n bolugtrog of versteuring wat kan help om reën te ,,maak’’ nie. Daar is weer vanoggend ‘n paar plekke met mis, sou jy daarin beland, ry versigtig. Meeste plekke het lekker afgekoel oornag maar ek sien daar naby Sutherland sowat 6 C en min of meer dieselfde by Buffelsfontein (Oos-Kaap). Bloemfontein begin nou ook onder 10 C draai in die oggende en daar moet ‘n gevoel van herfs in die lug wees. 
Die model wys ‘n redelike koue front wes van die Kaap, maar vir nou is die enigste meneer wat dinge kan opwarm die kuslaag wat oor die Kaap vorm. Oos van die laag gaan dit blitsig opwarm en agter die kuslaag sal daar koeler lug inbeweeg, een van daai dae dat Vredendal nie so rof warm word nie… Alhoewel koel vanoggend oor die Karoo gaan dit skerp opwarm deur die dag, en dit sê vir ons dat die brandgevaar skerp gaan toeneem deur die dag. Die laevlak vog in die noorde van die land sal deels wegbrand deur die dag maar ek verwag nie juis veel in die vorm van storms nie, ek gaan nou nie stry oor een of twee hittestorms nie, maar selfs hittestorms sal sukkel om aan die lewe te bly…. 
Nog ‘n paar reënbuie oor die noorde van Namibië wat Windhoek kan haal teen later vanmiddag. 
Die koue front wes van die Kaap beweeg stadig,. Ja, die koue front kan die Kaap bereik maar eers op die vroegste van môre af…

Geniet die dag…..

​Goeie naand almal:
Nie vreeslik baie in die weer nie, wel suid-wes van Tzaneen is daar nou ‘n bietjie reën en dan het Phalaborwa ook 2.0mm gekry.  Hoop my vriend daar by Danspan (noord-oos Botswana) het klaar geplant, sien daar was weer 2.4mm net om sy lewe moeilik te maak. 
In meeste gevalle was dit ‘n lekker warm herfs dag oor die grootste deel van die land, met heelwat koel kolle op die oostelike hoëveld waar temperature reeds af is na 13 C. Nie so kwaai koel nie maar soos die koue front oor KZN beweeg het is temperature in die algemeen koeler oor die binneland van KZN met 18-21 C op die oomblik,  paar grade warmer langs die kus soos dit behoort te wees.
Die enigste ander plek waar daar ‘n paar storms voorkom is oor dele van Windhoek.. mens kan die goed sien op die foto.
Die koue front het soos een groot besem die westelike en sentrale binneland skoon ,,gevee’’ en met wolklose toestande sal nagtemperature skerper daal oornag. Dit lyk nog nie na ryp temperature nie, maar ‘n plek soos Sutherland en Buffelsfontein kan daal tot 4 C of laer wat beteken daar kan ligte ryp voorkom.    
Môre vorm daar ;’n sterk kuslaag by die Kaap met ‘n redelike koue front wat wes van die Kaap vertoon. Voor, of oos van die kuslaag sal dit skerp deur die dag opwarm, en met min reën oor die gebied kan die brandgevaar skerp toeneem, julle kan histories gaan kyk na die ,,groen’’ Agtergrond kaarte (foto’s) wat makro vure uitwys, ja daar was ‘n paar kleiner vure, maar nie groot genoeg om op die foto foto’s te wys nie. Dit is ‘n groot kompliment vir die manne en dames in die Kaap waar die meeste mense weet  dit neem water om ‘n vuur af te koel… dus baie geluk dat julle ‘n redelike goeie en suksesvolle brand seisoen ervaar. 
Die koue front waarvan ek praat lyk goed wes van die Kaap, maar selfs oormôre lyk dit of ook die koue front gaan sukkel om by die Kaap uit te kom. Sal dophou, miskien wys die nuwe data vannag iets beter… 
Dit is dit vir nou, lekker aand verder….

​Goeie môre almal
Die koue front skuif suid van die Kaap deur en ek kan nie enige reën   sien wat geval het nie. Tot sover as PTA het dit lekker afgekoel oornag. Moes een of ander tyd begin na die reën wat ons gehad het Selfs die Kaap is aan die koue kant vanoggend waar die temperatuur by sowat 8 C gedraai het. Ek het nou toegang tot ‘n stasie sowat 10-15kmn van Sutherland af op die Fraserburg pad. Mens kan dit nie direk vergelyk met Sutherland dorp nie maar gaan ons ‘n goeie idee gee hoe koud die winters daar kan word.. Temperatuur daar sowat 6 C vanoggend.  Met die kouer oggende sal ons ook moet besin oor die kanse vir hittestorms. Ja dit warm nog op deur die dag maar nie meer so kwaai soos Februarie nie. Nou het ons sterk dinamiese bolug stelsels nodig, hetsy sterk bolug trog stelsels of ‘n sterk straalstroom (dit het alles met die bolug te doen). Daar was enkele kolle oor KZN wat ‘n paar mm gekry het, en dan is daar baie stasies wat 0.2mm wys. Ek dink dit is eerder swaar dou of n fyn misreën, maar nie reën soos in reën nie.    
Dan is daar ‘n kol kwaai mis in die omgewing van Bloemfontein, terwyl dit hou, ry versigtig. 

Dit is dit vir nou,, lekker dag en nuwe week…

​Goeie naand almal:
Nie veel verdere reën oor die Kaap nie. Dit lyk wel of daar nog ;n swak koue front buie Kaap ontwikkel, so kom ons hoop daar nog ‘n paar  oornag. Sommer ook baie geluk aan Faf en sy manne, met Morné wat weer baie goed gedoen het..  
Vanaf die foto kan julle aflei daar is en was ‘n paar storms oor die binneland, die weer het ge-grom en gebrom hier by in die Moot net druppels maar nie meetbaar nie. Dan is daar kolle met lekker reën oor KZN, met Pietermaritzburg (suid van) op amper 29mm, Durban 12.0mm (Pinetown se kant  toe)   Dan is daar nou laatmiddag ook ‘n paar mm in die Welkom gebied met Warden wat staan op 10.2mm . ‘n Hele paar plekke oor Limpopo beter as stofnat, met Bandelierskop 5.6mm en dan Ellisras met 4.0mm.

Daar is nie vreeslike veranderings na môre nie, dus kan ons baie dieselfde verwag…. 

Dit is dit vir nou. Lekker aand verder…..

​Goeie môre almal:
Daar was nog ‘n paar druppels oor die Kaapse gebiede oornag, nie om oor huistoe te skryf maar is verseker beter as niks. Milnerton wys 0.6mm, suid van Worcester 5.2mm, Robertson se kant toe 4.6mm. Dan was daar oor enkele meetbare druppels in die George gebied, asook druppels in Oos-Londen. Die band vog sit effe verder oos oor die binneland vanoggend, en Smithfield staan op 10.0mm terwyl een meetpunt in Bloemfontein 7.6mm wys.  Lyk of daar ook druppels was in die Kimberley gebied.  Dan was daar ook weer 13,8mm  oor die Piet Retief gebied. 
Die kolle met ‘n bietjie reën vanoggend het ek met groen omkring Paar mooi buie en storms oor Botswana. 
Die koue front het nie veel beweeg nie, maar julle kan self sien daar is nie veel koue lug in die stert van die front nie, sonder lekker koue lug sal dit nie sommer baie reën nie.. Die dele binne die geel lyne wat ek ingetrek het. Is waar daar ‘n skraal kans is vir ‘n paar storms later vanmiddag en vannag. (uitgesluit die Kaap) Die standaard droeë kol oor suid Namibië wat strek tor oor die westelike dele van die noord-Kaap. 
Veel meer is daar nie om van te praat nie….

Goeie naand almal:
Ek sien dit reën nou by Klapmuts waar ek nou 4.8mm sien, paar druppels aan die weste kant van Tafelberg, te min of van te praat.
Op die foto kan julle self sien, met groen omkring, waar daar  meestal druppels voorkom, en dan ook ‘n paar  druppels  die Oos-Londen gebied. Die kolle oor Zimbabwe lyk goed daar kan kolle wees  met heelwat reën.
Vanaf die model lei ek af dat die koue front nie veel gaan beweeg in die volgende 24uur nie. Daar is dus weer klein kans vir ‘n bietjie  reën oor die  Kaap oornag môreoggend. Oor die binneland is daar nie baie aan die gang nie, net weer enkele mik en druk storms..

Lekker aand….

​Goeie môre almal:
Daar val ‘n paar druppels in die George gebied maar ek sien geen reën oor die Kaap nie. Dat daar enkele stofnat kolle kan wees is sekerlik nie onmoontlik nie. Daar is nie regtig baie koue lug in die stert van die koue front nie, dus kan mens ook nou nie iets wonderlik voorsien nie, ek gee wel ‘;n klein kans vir ‘;n paar stofnat reënkolle oor die Skiereiland later vandag. Die bolug versteuring plus koue front wat so lekker reën gemaak het die afgelope tyd, veral Gauteng, sit nou oos van die land. Daar is wel ‘n swakker nuwe bolugtrog oor die westelike binneland en die rede dat daar vog versamel oor die noord-Kaap. Ek sien nie vreeslike reën nie maar as jy gelukkig is met ‘n hittestorm of twee oor jou  plaas of jou deel van die dorp/stad, wel dan gaan jy nat word…

Veel meer is daar nie vir nou nie, lekker dag…,.            

​Goeie naand almal:
Met al die foto’s en videos op gesigblad is dit seker nie nodig om te praat oor die baie reën oor Gauteng nie… 

Ek moet dit nog eers nagaan en kyk of die program wat my reën vaslê nie erens dubbel getel het nie, volgens die program staan my reën vir Maart op 260mm, waarvan net 30mm geval het voor die groot reën. Sedert middernag kan ek bevestig dat daar 84.0mm geval het dit is  sommer sopnat… Die band reën het oos en noord geskuif met Piet Retief gebied wat op 52.6mm, Newcastle 30.2mm en dan Vryheid sowat 30.6mm, dit was ook ‘n streek wat swaar gekry het in die eerste helfte van Maart, en is nou meer op standaard. 
Ellisras staan op 26.2mm en van daar, wes na oos het meeste manne sowat 9-18mm gekry met sowat 3.2mm bo by Messina(streek)
Ja, daar was ook goeie reën in die Vaal opvanggebied maar nie so rof baie soos oor Gauteng nie, ongeag, genoeg om die Vaaldam se vlak nog verder te lig.. 

 Die koue front suid-wes van die Kaap lyk vannaand ‘n raps beter, nog ver van goed af maar daar is ‘n kans vir ‘n bietjie reën teen die berge môreoggend en hopelik beter as stofnat oor ander dele ook. Die vog wat julle nou sien oor Namibië gaan môre ‘n dikker stroom vog word, net verder oos gedwing soos die koue front oor die Kaap inbeweeg. 

Enige verdere reën oor Gauteng, gaan ons begin rekords jaag vir Maart. Wens ek kon dieselfde sê vir die Kaap.. 

Wel, dit is my storie vir nou, lekker aand verder en geniet die naweek.